top of page
搜尋

【198理財小助手:開源節流之儲蓄大法!】


講到理財,大家第一時間應該諗到開源節流,除左係經濟上增加收入外,節省開支都係一個重要嘅理財概念,及早儲蓄可以隨時間有更大嘅增值空間,試諗下:冇一筆錢可以點投資呢?


不過正所謂萬事開頭難,主動儲錢並非易事,一唔小心容易洗多左,所以小編係到建議大家設立直接付款指示或設定行常指示,等系統自動係每個月嘅出糧日將特定嘅金額撥入儲蓄戶口,到時真係想洗多啲都唔得啦!小編甚至為左儲錢特意揀左個比較少分行嘅銀行作為自己嘅儲蓄戶口,強制令自己減少拎錢出嚟花費。


大家係儲錢前最好訂立一個比例,其中包括日常開支(保險、家用、購物等等),短期儲蓄(應急基金,可應付3至6個月嘅生活開支,例如失業或被減薪),以及長期儲蓄。小編建議比例為5:3:2,不過大家亦都可以根據自己嘅人工或者消費模式決定要儲幾多錢。


除左計好比例,同時都要清楚自己嘅儲錢目標係咩,為左家庭?結婚?定係買樓?不過如果呢啲目標對啱啱畢業出嚟做野嘅人嚟講太遙遠,不妨為自己訂立1年/3年/5年既短期儲蓄金額目標,為將來「開源」做好準備!


6 次查看0 則留言

Comentários


bottom of page