top of page
搜尋

【198理財小助手:極簡主義唔止係生活態度,仲係理財好幫手!】🥳😆


極簡主義係一種生活態度,亦係您理財嘅好幫手。極簡主義好處多多,唔單止減少對物質嘅欲望🛍,令到存款增加💵,同時令到自己屋企唔再雜亂、少咗分心嘅事物、間房變得更加乾淨整齊🏡!不過極簡主義講就易做就難,不如就等小編分享下以下四點,睇下啟唔啟發到您嘅諗法啦😉!

1. 從物質開始落手🛒

唔知大家會唔會執房時搵到自己好耐冇著嘅衫,好耐冇用嘅化妝品?嘗試下整理出每間房嘅物品,如果真係冇用好耐,下定決心賣走、捐出、回收啦!唔好再抱住總有一日會用得上嘅諗法啦!久而久之就會開始減少對物質嘅欲望啦🎊!


2. 簡單嘅生活環境🏡

用極簡主義方式佈置居家,除咗可以令到屋企唔再雜亂,更加乾淨整齊,每次返屋企都可以享受到簡單嘅美感,仲可以減少自己買家具同裝飾品嘅欲望,為銀包慳返唔少錢🥳!


3. 將錢洗係更有價值嘅事物上💰

洗錢之前要諗清楚,唔好只著重物質享受,要將錢洗係更有價值嘅事物上,每次買嘢先問下自己:我係咪真係需要呢樣嘢🧐?

4. 搵到最啱自己嘅極簡主義🤩

每個人嘅極簡主義都唔一樣,您唔一定要跟其他人嘅做法,有啲人包括生活用品可能只有一百樣嘢,有啲人每一個星期都要睇返自己有嘅物品,決定抌定留好。極簡主義冇確實嘅定義,做一個理性嘅極簡主義者,搵到最啱自己嘅生活型態就可以啦😎😎!

小編最近都開始嘗試極簡主義,要割捨對物質嘅欲望係好難,不過萬事開頭難,下定決心開始做後小編發現自己真係買少咗衫同化妝品🤩,每次買嘢必定要三思,真係到有需要時先會買,抱住咁樣嘅諗法,計計埋埋真係慳到一筆錢㗎😆😆😆!

7 次查看0 則留言

最新文章

查看全部

🏬198樓盤系列|何文田34名校網市區豪宅(上)|198 Living Style

大家好🙋🏻‍♂️,198 Living Style今日帶大家嚟參觀筍盤,今次為大家介紹嘅就係一個位於何文田嘅市區豪宅單位✨。呢個樓盤提供885呎至3,406呎嘅單位🏢,當中仲有連平台同埋複式單位嘅特式戶型。今日就帶大家參觀一個1,630呎4房連露台嘅單位,無論係裝修,定係提供嘅傢俬電器都係頂級標準🔝,唔駛花太多錢就可以住😎。而且位於34名校網,相信係唔少家長嘅首選校網👍。 單位:天鑄

Comments


bottom of page