top of page
搜尋

【198理財小助手:「理財金字塔」係咩?做到代表你嘅理財好健康!】🥳🔺


其實市面上咁多唔同理財管理方法💰,唔知你又搵搵到最適合你嘅方法呢!咁今日又等小編教大家一個理財工具,就係「理財金字塔」🔺!其實佢解釋咗一個健康嘅資產配置,就如同金字塔一樣都要打好穩健嘅根基👍,先至再為你嘅財富增值!個概念係好簡單,主要分咗四個部份:


第一層:人生保障👩 🧑

人生嘅保障係指要有足夠嘅保險用嚟保障你嘅生命同埋財產,如果萬一真係唔好彩患上危疾😨,起碼仲有一筆錢可以俾你做手術治療同埋休養!


第二層:基本開支💸

呢度指嘅係流動現金,要確保到入面嘅儲蓄係當你突然間冇咗份工,依然可以捱到三至六個月生活開支😌!


第三層:儲蓄及投資💵

當你嘅基礎打好之後你就可以安心投資,要根據自己嘅風險承受力,做好風險評估,搵到啱自己嘅工具珍惜自己嘅財富!

最高層:投機⏳

投機同投資唔一樣,因為投機性嘅產品係可以短時間內做到高回報,不過風險極高😖,唔係個個人都適合,最緊要清楚投機嘅風險,了解自己可唔可以承擔😉!

68 次查看0 則留言

Comments


bottom of page