物業投資一直以來係眾多投資產品入面屬於最受歡迎之一嘅產品，所以對於一啲有能力負擔嘅夫婦，都會係時機成熟時將其中一方嘅業權轉讓俾另一方，即係我哋所知嘅近親轉讓，以恢復首次置業身份去買多層樓之餘避免繳交15%雙倍印花稅，關於近親轉讓可以點慳稅大家可以留意返我哋出過嘅文章（傳送門：https://www.facebook.com/198Mortgage/posts/210107951115973）
Q：我轉讓業權俾另一半需唔需要真係俾樓價一半嘅錢出嚟？ A：雖然近親轉讓形式上是以買賣操作，但實際上係唔會涉及資金轉移，只係純粹業權轉讓，只需要由律師辦理手續就可以完成親轉，所以需要支付律師費。不過A先生仍然要標明樓價嘅原因係買賣物業需要繳交印花稅，而印花稅係跟物業嘅售價或價值（以較高者為準）嚟收取。
Q：咁我同另一半釐定樓價低於$200萬或者$0咪就可以唔洗俾印花稅？ A：事實上係唔可以咁做，因為稅局發現物業成交價為 $0 或者遠低於市價，就會自行就物業作出物業估價，並會向業主追討相差嘅印花稅。
Q：如果我用「送贈契」送樓又可唔可以慳稅？ A：千祈唔好咁做！雖然送契樓成交價為 $0，原理上似乎唔洗繳稅，但印花稅除咗跟物業嘅成交價嚟計算外，亦會跟物業本身嘅價值收取，所以稅局仍然會徵稅，係避唔到稅㗎！而且送契樓手尾極多：第一、假若原業主係送出物業後 5 年內破產，根據《破產法》，破產管理官或債主有權向法庭要求索回該物業；第二、銀行因《破產法》緣故會拒絕為5年、甚至8至10內年曾簽送讓契或無償轉讓契嘅物業批出按揭，大大影響將來物業嘅放售！
Q：我可以點做去慳更多嘅印花稅？ A：可以係唔同銀行或公證行申請物業估價，搵出最低嘅物業估值作為內部轉讓物業嘅售價，可以降低些少印花稅額，記得一定要留低估價截圖或者編號，當稅局提出質詢時起碼可以解釋。
Q：現時物業嘅按揭仍未供完，會唔會影響我甩名？ A：唔會影響甩名，如果物業本身有未供完嘅按揭，而業主要內部轉讓業權，就要重新向銀行申請按揭，為物業重新估值並通過銀行嘅壓力測試。係呢到都可以同大家分享個貼士：一般嚟講，按揭保險計劃係唔接受「轉按套現」或者「加按」，但如果利用近親轉讓，另一半就可以重做按揭，如果計到入息甚至可以做到高成數按揭，而套現出嚟嘅錢就可以當作新物業嘅首期！
------------------------------------------------- 搵樓格價必備 - 198理財App 立即下載： IOS: https://apps.apple.com/....../198%E7%90....../id1586752350 Android: https://play.google.com/store/apps/details...... ------------------------------------------------- Follow埋我哋既Facebook、Instagram 同YouTube，了解更多按揭理財新概念，做個精明新世代！ Facebook: https://www.facebook.com/198Mortgage/ Instagram: https://www.instagram.com/198Mortgage/ YouTube: 198finance https://bit.ly/3fGoCMX
Comments