上次同大家探討咗預防租霸嘅事前工夫（傳送門：https://cutt.ly/gbSgtCx），了解租客背景同埋釐定合約細則，雙管齊下保障自己！今日小編就同大家傾傾如果簽完約先發現有拖租、唔畀租嘅情況下可以點「追數」！
. 追討總額少過7.5萬可向小額錢債審裁處申請索償
喺小額錢債審裁處申請索償需要幾百蚊嘅文件費，雙方都唔需要請律師，您只要填妥完表格後，到審裁處嘅登記處遞交就可以啦。
. 追討總額多過7.5萬入稟區域法院進行索償
喺區域法院進行索償嘅程度就會比較複雜，首先雙方都必須要有自己嘅辯護律師，如果對方提出抗辯，大家再爭持不下，就可能會演變成要洗幾十萬嘅官司啦！
. 向土地審裁處申請收樓
如果您發現已經唔可以再容忍，需要解除租約並收樓，就要向土地審裁處收返物業，等法庭發出管有令狀（收樓令）之後，由執達主任進行「收樓行動」。不過記得收樓需時比較長長長，可能要3個月或以上㗎！
. 保存租金紀錄
確保索償租金時需要證據保障自己，大家記得keep起租金記錄啊！例如係「追數」嘅WhatsApp紀錄、每個月銀行嘅過數記錄等等，證明呢位麻煩租客有「拖租案底」！
無論係對住租霸定拖租客我地都唔可以容忍！記住「追數」4招咁就遇到佢地都唔洗心慌慌啦～
參考資料來源：
Comments