由於未補地價居屋有政府做擔保人，業主向銀行申請按揭係極易獲批。但其實有大原因，銀行可能會拒絕你嘅申通㗎！
1. 曾經係嗰間銀行有壞帳記錄
要留意如果喺有壞賬記錄嘅銀行申請按揭，即使有政府做擔保，一般都唔會批！
2. 本身係嗰間銀行有其他私人貸款
由於申請未補地價居屋係唔需要提供入息證明，只需聲明入息嘅金額。所以如果喺該銀行有其他私貸，銀行就會覺得貸款嘅風險增加咗而未必會肯批俾你㗎！
3. 貸款人年齡太高
喺家有長者核心家庭計劃嘅推動下，唔少屋企都會以長者作為居屋申請人嚟獲得優先權。但值得留意嘅係，長者年齡太大嘅話，購買二手居屋銀行未必批得足貸款年期（以85減年齡）。
4. TU評級達至I級
申請未補地價居屋嘅按揭批核標準比較寬鬆，一般只要唔係去到I級，都唔會有問題。
5. 破產
申請者必須係破產令解除後先可申請按揭，而如果申請者有家庭成員破產，就唔會影響審批結果嘅～
參考資料來源:
------------------------------------------------------------------------
想知更多按揭TIPS，快啲追蹤& like我哋嘅198專頁，緊貼最新金融走勢啦!
Comments