top of page
搜尋

【198按揭小TIPS:擔心退休之後唔夠積蓄安享晚年? 逆按揭幫到老友記!】👨🏻‍🦳🏠


好多人都唔知咩係逆按揭,逆按揭係提供比55歲以上嘅人士利用佢哋喺香港持有嘅物業做抵押品,選擇以10年、15年、20年或終生每月收取定額年金。


除咗分期領取年金,老友記都可以選擇一次過提取貸款用作其他用途。例如用嚟還清持有物業嘅原有按揭、支付醫療開支、購買骨灰龕位及墓地,以及殯葬服務的費用等。而喺特定情況下,老友記更可以出租抵押物業以增加收入㖭~提取貸款後,即使年金年期已屆滿,老友記仍可喺物業住到百年歸老,但要記得利息同按揭保費係會累計入安老按揭貸款的總結欠㗎!


如果老友記想喺申請嘅頭6個月內終止逆按揭,不論咩原因都可申請全數退還或者豁免按揭保費,但記得老友記仍要還清累計利息、已加借的費用(如有)以及終止安老按揭貸款嘅相關費用。除非按揭被終止,否則老友記係終生唔洗還貸款㗎!而老友記更可以喺無罰款下隨時還清款項,贖返抵押物業㖭,老友記嘅後人亦可喺老友記百年歸老後優先償還貸款以贖回物業。


參考資料來源:

------------------------------------------------------------------------

想知更多按揭TIPS,快啲追蹤& like我哋嘅198專頁,緊貼最新金融走勢啦!


6 次查看0 則留言

Comentários


bottom of page