top of page
搜尋

【198按揭小TIPS:「出租物業按揭」睇真啲!】 🏠🧐



打算買樓收租但唔知可唔可以做到高成數按揭?物業用嚟放租定自住喺按揭方面大有不同!


1.) 按揭成數

如果有買按揭保險計劃,一般800萬或以下嘅自住物業喺銀行做到9成按揭,而800萬以上至1000萬嘅物業就只做到8成。但如果物業係出租用途,按揭成數就會低好多!無按揭喺身就做到5成,有按揭喺身就只做到4成。所以,要留意首期唔夠嘅話就唔好做「出租物業按揭」啦。


2.) 入息計算

自住用途當然就無租金收入呢回事啦,但如果係出租用途,只要有租約,租金亦可當作收入去計算壓力測試。但要記得銀行只會計每個月租金嘅6至7成啊!某啲銀行更加接受用預計租嘅6成嚟做入息計算𠻹,不過申請前記得問清楚所屬銀行啦~


3.) 按揭利率

最後,出租物業嘅利率係唔會比自住物業貴嘅,但如果擅自改變物業用途而無預先通知銀行,分分鐘會提高利率,甚至要求即刻還清款項㗎!打算買樓收租嘅你記得要留意啦~

------------------------------------------------------------------------

想知更多按揭TIPS,快啲追蹤& like我哋嘅198專頁,緊貼最新金融走勢啦!

7 次查看0 則留言

Opmerkingen


bottom of page