咦，您最近打算買樓？見到啲人話銀主盤，但唔知係咩？今日按揭小編就同你講講何謂銀！主！盤！
銀主盤即係指當業主向銀行或財務公司申請按揭貸款，而無錢償還款項時被沒收嘅物業。因為銀行或財務公司成為物業嘅話事人，所以就叫「銀主盤」啦。一般嚟講，銀行沒收完物業會再將佢賣出，獲得嘅金額會先用嚟償還原業主喺銀行欠下嘅款項，剩底嘅就會畀返原業主。
咁銀主盤又買唔買得過？銀主盤普遍最大賣點就係「筍」！因為急需出售物業還請貸款，一般銀主盤都會用一個較為低於市價嘅價格出售，所以對打算買入物業嘅您嚟講可能係一個好選擇！但記得做決定前都要自己去銀行做物業估價，確保物業真係夠筍先入手啊！有時都可能會高過市價㗎！做足research就實最筍啦～
有得就𡁵係必有失啦！
其中最大嘅問題就係如果物業有僭建、無樓契、顯示唔到真正嘅業主，您就可能做唔到按揭，要full pay付款，又或者係財務公司度做較高利息嘅按揭啦。除此之外，您可能仲要負責原業主未處理嘅管理費、地租同差餉等，價格可能高達10萬㗎!
可以用低於市價買到間靚樓就𡁵係有賺啦～但買之前記得做曬research，向代理人了解清楚物業背景，咁就買得放心，住得安心啦！
Comments