top of page
搜尋

【198個案分析:長命契業權轉讓需要俾印花稅!?】


最近又有讀者投稿問有關買樓既小疑難啦!今次嘅主角係E先生。👦🏻

E先生見最近投資獲利,打算趁早買第2️⃣個物業,但佢原先同老婆以長命契*(聯權共有) 嘅形式一齊擁有一個物業,依家就打算轉埋自己個業權俾老婆👩🏻,以換取首置身份,慳返一筆印花稅!E先生以為咁就本身層樓老婆都有份,轉讓物業個陣可以唔洗比印花稅💮,小編即刻同佢講❌啊!

即使老婆本身都有一半嘅業權,E先生喺轉讓業權個陣都係要按物業嘅市價比返相應嘅印花稅㗎!假如物業市價值800萬,E先生一半嘅業權就價值400萬,而相對嘅印花稅就係2.25%,即係9️⃣萬,如果唔熟悉印花稅嘅朋友仔可以去呢度睇返 (傳送門: https://bit.ly/3A35dgX) 。

當E先生有返首置買家嘅身份後,置業嘅印花稅會差好遠㗎!以一個1500萬嘅物業為例,首置嘅印花稅只需3.75%,即56.25萬,而非首次置業嘅印花稅成15%就大嗱嗱要比225萬,差成4️⃣倍㗎!E先生識得轉讓業權換首置買家身份就夠曬醒啦😎,但同時都唔好miss 咗本身層物業轉讓時要俾嘅印花稅啊!

*長命契(聯權共有) 即係如果有持份者離世,佢嘅權益就會自動由在世持有者繼承,直至得返最後一個持份者。


4 次查看0 則留言

Comments


bottom of page