最近Y小姐好苦惱咁同小編講，佢嘅原租客完咗個租約唔會續租，朋友知道後就話不如租俾佢😆，亦都表示Y小姐唔洗特登為佢減租，Y小姐聽到都有少少心動😯，畢竟租俾一個熟悉嘅朋友好過三唔識七嘅陌生人。
「咁需唔需要地產紀經幫手呢？🤨」
其實點解租賃事項會搵地產代理幫手👩💼👨💼，一嚟因為佢哋對租賃相對上較為熟悉，委託專業嘅地產代理可以獲較大保障，唔單止受到地產代理監管局所規管⚖️，代理亦會同客戶簽訂《地產代理協議》，無論業主或租客都會掌握對方的真實資料，二嚟地產代理可以作為第三方見證者之餘，有問題都方便協調。
不過租樓委託地產代理唔係必須嘅，想要保障業主或租客嘅權益，一定要做齊以下三樣嘢：
簽定正式租約📜
正式租約須要列明所有細節，包括雙方資料、單位資料、租金、按金退還機制、家電維修責任等等👩🏫。
將租約交俾稅務局打釐印💵
如果正式租約冇打釐印，當業主同租客起爭議個陣，法庭係唔會接受呢份租約成為呈堂證供㗎，即係無論租約寫得有幾多滴水不漏都好，冇打釐印隨時起唔到保障作用😰！
填妥「CR109」表格📋
係租約簽訂後，須要係一個月內填妥「CR109」表格交俾差估署，差估署收到後會一式兩份寄返俾業主同租客，雙方先會受到《租務條例》保障㗎😉！
小編都係到提提大家，業主可以自己做晒所有嘢唔經地產代理慳佣金，但一定一定唔可以慳釐印費😤😤！其實釐印一般都由業主同租客攤分，通常都只係幾百元至一千蚊可以搞掂嘅事，唔好因為慳錢而冒咁大嘅風險啊🧐！
Comments