top of page
搜尋

【198個案分析:睇樓淨睇室內環境就夠?睇樓清單check真啲!】🏠📄🔍



H先生就嚟結婚👩🏻‍❤️‍👨🏻,打算同女朋友一齊去物色吓有咩物業啱心水,終於決定咗呢個禮拜六去睇樓📆,但其實睇樓絕對唔單止只睇室內環境,仲有一大堆嘢要check㗎,今日等小編話俾H先生同大家知有咩係睇樓清單上唔可以miss!📄🔍

1️⃣)交通🚘

住落您就知如果屋企交通唔方便有幾痛苦啊!鄰近有無地鐵站、巴士站、小巴站,特別係新界區嘅村屋🏡,如果唔係就可能要轉幾次車,簡直係用睡眠嚟換時間!😭

2️⃣)樓齡🧮

唔單止影響望上去美觀嘅問題,仲會影響您申請按揭可以批到嘅還款年期㗎!記得部分銀行係會用「75減樓齡」嚟計算,如果樓齡多過45年就會影響您嘅還款年期啦。


3️⃣)窗口位及通風問題🌬️

記得睇返個窗口位係咪對住馬路,如果係嘅話噪音問題可能會嚴重影響你嘅睡眠素質㗎!😴同時亦要睇廁所同廚房有無窗口,如果唔係佢哋可能就係黑廁同黑廚啦!因為無陽光☀️同自然風,黑廁容易潮濕發霉,只可以單靠抽氣扇間唔時抽走濕氣。💧


4️⃣)電梯

雖然有無電梯就一眼睇曬👀,但如果無電梯,而樓層又較高,就要考慮清楚係咪啱啦。特別係屋企有長者👴🏻,上上落落可能係咁方便,而且搬屋或買新傢俬時需要行咁多層搬搬抬抬都唔簡單啊!🛋️🛏️📦

喺香港地,一生人可以擁有幾多個物業~~~🏡🏠🏘️H先生難得買一次緊係要認真睇睇,揀個萬無一失,最啱心水㗎啦!

89 次查看0 則留言

最新文章

查看全部

🏬198樓盤系列|何文田34名校網市區豪宅(上)|198 Living Style

大家好🙋🏻‍♂️,198 Living Style今日帶大家嚟參觀筍盤,今次為大家介紹嘅就係一個位於何文田嘅市區豪宅單位✨。呢個樓盤提供885呎至3,406呎嘅單位🏢,當中仲有連平台同埋複式單位嘅特式戶型。今日就帶大家參觀一個1,630呎4房連露台嘅單位,無論係裝修,定係提供嘅傢俬電器都係頂級標準🔝,唔駛花太多錢就可以住😎。而且位於34名校網,相信係唔少家長嘅首選校網👍。 單位:天鑄

Comments


bottom of page