近日Y小姐DM小編，話自己一直都好想完置業夢，最近又睇啱個新樓盤🤩，不過首期資金比較緊張😭，如果用發展商二按借較高成數按揭，為求較易上車，咁樣做好唔好呢🤨？的確，對於首期不足但又想買新盤樓花時，特別係超過1000萬以上樓價嘅新盤，發展商二按係一種較為容易上車嘅方法😋，唔單止可以借高成數按揭，審批嘅難度都比銀行低，不過大家係甩走發展商二按時一定要留意以下幾點👩🏫！！
1. 留意「預計關鍵日期」📆
「預計關鍵日期」指樓盤係推售樓花時根據工程進度預估收樓日期，由於銀行申請轉按時都需要收樓後先可以提取貸款💰，但預計關鍵日期往往天氣不似預期⛅️，如果有樓盤工程進度早過預期，發展商提早收樓，就會令業主大失預算😱！
2. 需要有自住證明📋
通常用發展商二按嘅業主，一般都會借八成或以上，但係如果想甩走發展商二按轉銀行同按揭保險公司嘅高成數按揭，審批會非常嚴格🧐，要求業主提供唔少文件，其中包括咗物業自住嘅證明，但買入樓花都未收到層樓，又點會有水、電、煤賬單呢😨？所以有機會唔可以申請預早批核按揭，需要等到入伙後先可以入紙申請🤧！
3. 估價以買入價計算🤕
如果太早申請甩發展商二按，即係未入伙前申請，銀行估價一定唔會以市價，而係會以買入價計算🤫，所以可以借嘅貸款額或者會比預期少💵。小編建議如果可以嘅話不妨收樓後先申請轉按，如果入伙後申請轉按，雖然屋苑本身未必有二手成交，但銀行估價有彈性😉，可以參考同區物業市價，如果有幸銀行估價比買入價高，按揭有機會由八成轉至六成🤩，甩走發展商二按之餘，仲唔洗申請按揭保險，慳返不少保費㗎🥳🥳🥳！
Comments