之前就同大家講過講過有邊種電子支付工具可以申請$5000消費券 (傳送門: https://bit.ly/3wOGjPF) ，但大家又知唔知點申請？今日就同大家講吓最普及嘅八達通。
大家係申請前必須到政府為呢個計劃所設立嘅網站，登記個人資料同埋領取消費券嘅途徑。申請完，您就可以去唔同車費補貼領取站領取啦～同平時拎交通補貼嘅方法完全一樣，不過除左補貼站之外，其實大家仲可以去便利店或者經八達通手機APP領取今次消費券～真係超級方便啊！
除咗個人八達通外，不記名嘅租用版八達通都可以申請～咁就算唔見咗張個人八達通都唔洗驚申請會慢人一步啦～但如果唔好彩整唔見咗張已登記嘅八達通，您就要即刻報失同用另一張不記名嘅租用版八達通代為登記，如果可以證明真係遺失咗張卡，仲可以獲退返報失後個鐘後嘅儲值額㖭！所以一發現唔見咗就要即刻去報失啦！
最後要記得今次嘅$5000蚊消費券計劃目的係激烈本地消費，所以係唔可以用喺淘寶、Amazon、Ebay等非香港地區嘅購物平台㗎！除咗諗點洗呢$5000蚊之外，申請前記得仲要諗清楚邊個電子支付平台係最啱您啦！
參考資料來源：
Comentarios