虛擬貨幣一直都係城中熱話，之前就係狂升嘅比特幣（Bitcoin），仲有只係曇花一現嘅狗狗幣（Dogcoin) ，咁呢排紅乜？係紅盡全城嘅「姜濤幣」同「鏡幣」啊！
雖然兩種貨幣都唔可以用嚟交易，亦無實質價值，但係都唔可以睇少佢地嘅「吸金能力」！因為「姜濤幣」已經被炒到超過440美元啦！根據加密貨幣網絡BscScan顯示，「姜濤幣」（KEUNGB) 同「鏡幣」（Mirror)截至今日下晝4點分別共錄得109個同65個持有者。而「姜濤幣」嘅轉移記錄仲高達649次！
講起追星，同樣身為迷妹嘅小編都即刻好興奮啊！明白好想珍藏偶像所有周邊嘅心情，呢啲珍藏品就好似紀錄住陪偶像走過嘅每一段路~但大家記得要理智消費啊！唔好因為心急而買咗「黃牛幣」！相信呢兩種貨幣嘅「創幣者」原意同大家一樣，都係想要珍藏偶像嘅紀念品同支持偶像！
參考資料來源：
Comments